اجعل الله يرى كرمك .. في شهر الكرم

""لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ وَمَا تُنْفِقُوا مِنْ شَيْءٍ فَإِنَّ اللَّهَ بِهِ عَلِيمٌ""

رمضان شهر الكرم .. وشهر الايثار ... وقدوتنا فيه حبيبنا رسول الله
كان اجود مايكون في رمضان ...

فكرة عملتها انا واخواتي والحقيقة كانت جميلة جدا ...

الحصالة ...
حطينا حصالة جنب الباب .. وكل اللي يدخل من برا كل يوم يحط أي مبلغ
واخر كل اسبوع بنطلع الفلوس ونديها لاي حد محتاج ...

وطبعا في افكار تانية كتير للصدقة ..

بس ماتنسوش لما تيجوا تتصدقوا .. اولا تتحروا الاقربون اولى بالمعروف ..

سواء كانوا قرايبك او جيرانك او أي حد تعرفه .. قبل ماتدي لحد غريب شوف اللي حواليك محتاجين ولا ايه ؟

كمان ماتنسوش تخفوا الصدقة .. عشان تكونوا من السبعة الذين يظلهم الله في ظله يوم القيامة ..

كمان اهم حاجة واللي هيا الهدف من الاية ... الانفاق مما تحبون .. في ناس بتطلع الفلوس القديمة واللي مش محتاجها ..

ماتنساش ان الله طيب لايقبل الا طيبا ...
ولما تيجي تتصدق اتصدق باحسن حاجة عندك ...

واستشعر في كل مرة بتتصدق فيها ان " الصدقة تطئ غضب الرب كما تطفئ الماء النار "

حس ان الصدقة دي هتخلي ربنا سبحانه وتعالى راضي عنك .. عارف يعني ايه راضي عنك .. دي حاجة كبيرة قوي ...

وكمان ماننساش حديث " اتقوا النار ولو بشق تمرة " لو باققل حاجة
هتحمي نفسك من النار ...

يلا ياجماعة ماتبخلوش على المساكين في شهر الكرم ...

اللهم ارزقنا فعل الخيرات وترك المنكرات وحب المساكين ...