الأفـــــــــــــــــلام المصرية ............. بجد موضوع جامد

عندما يكون البطل مريضا وتقدم لة البطلة حبة الدواء مع كوب ماء
وبعد ان يبتلعها وتسأله البطلة فورا ,, ها عامل اية دلوقتي ؟
المفاجأه انة يرد عليها الحمد لله بقيت احسن
(كدة بالسهولة دي هو واخد حبة البركة ولا ايه )

عندما يصل البوليس الي موقع الجريمة دون ان يبلغه احد
( تقريبا المخرج هو اللي بلغ علشان يصور اومال هيصور ايه )

عندما يصاحب مشهد التغرير بالبطلة لقطات الامطار الغزيرة والبرق
والرعد والشباك الذي ينفتح بقوة علي مصراعيه
( وتلاقي البطلة في الفيلم مصيفه )

عندما تقول البطله للبطل انها حامل فيرد البطل على طول .. اللي في
بطنك ده لازم ينزل
( غالبا بيكون يوسف شعبان )

عندما تفاجئ باغنيه مالهاش أي لزمه في نص الفيلم مش عارفة اية
العلاقه بين الاغنية والفيلم

عندما يكون من المستحيل ان تجد الهاتف مشغول

العبارة الساذجة الشهيرة التلي تصطحب مشهد القبض علي المجرم
( سلم نفسك المكان كله محاصر)

عندما يسكر البطل فتجدة يصب كوب ممتلئ علي اخره
( بيسكر بعصير قصب )

عندما يخرج الطبيب من غرفة العمليات يرد جملة من ثلاث جمل
( اضطرينا نضحي بالجنين ) ( شدو حيلكوا يا جماعه ) ( العمليه نجحت بس مش هتقدروا تشوفوه دلوقتي )

عندما يجلس البطل والبطله في نفس الكازينو بتاع كل فيلم اللي في وش ماسبيرو
ويطلبوا نفس العصير اللي في كل الافلام
( تانج او ميراندا )
ويخلص المشهد من غير ما حد يشرب حاجة علشان هيتصور بالمشاريب دى فيلم تاني

عندما يصاب البطل بطلق ناري في قلبه وتنزف الدماء من بطنه زي صلصلة الكشري
ويظل يتحدث بطلاقه وتركيز لمدة خمس دقائق
يقوم خلالها بفك لغز الفيلم والاعلان عن القاتل الحقيقي او البطل يبقي ابن مين

عندما تسمع صرير احتكاك كاوتش العربيات اللي بطارد بعض وتقريبا بتبقي
عربيات 128 وماشية حوالي 30 كليو

عندما تتناول الابنة الفطار وهيا واقفة وبتاخد لقم سريعة فتقولها
لوالدة ما تفطري يابنتي كويس
قولها لا علشان الحق المحاضرة وتبوسها وتمشي فتنظر الوالدة الي
الوالد ويبدأن في الدعاء

عندما تغير حرب اكتوبر اخلاق كل المنحرفين الموظف المرتشي والجاره
اللعوب والبلطجي والمجرم بطبعه

عندما تجد مقر العصابة ملئ بالقش والبراميل الخشبية

دايما لما بيبقى فى ضرب النار غالبا اللى لابس قميص ابيض هوا اللى بيموت

واما تلاته يروحو شرم الشيخ ويحبو 3 بنات بتصيف هناك

وتلاقى دايما في الافلام العربى ساعات بيكون مشهد ليلى وبعدها فى نفس المشهد مشهد نهار

واما تلاقى الحرامى لابس هدوم الحرامية

واما تلاقى واحد بيبوس واحدة - استغفر الله- وواحد تانى شافهم فتلاقى اللى بيبوس يعدل الكرافتة

ولما تلاقى البطل ريح يعمل مكالمه سريه من عند كشك السجاير ويطلع صاحب الكشك رئيس العصابه

ولما تلاقي الممثل أو الممثلة صاحي من النوم وكأنه جاي من الكوافير

لما تلاقى المخبر لابس بلطو على الجالابيه وبيبص من الجورنال المخروم
والحرامى لابس فالنه مخططه ابيض واسود بالعرض

ولو
البطل اتحكم عليه بالاعدام ظلم برائته مش بتظهر غير عند تنفيذ الحكم بعد
ما يلبس الحاجة السودة دى على وشه يجى خلاص الحكم هيتنفذ خلاص اهوه يجى
واحد بيجرى وسبحان الله ما بيتلحقش غير فى اخر ثانية يقولهم استنوا فجاة
تلاقيه خارج من الباب الكبير ده وكل ابطال الفيلم الكويسين بس مستنينه زى
ما يكون مفيش حد بيتعدم ظلم خالص غير واحد بس فى فيلم صراع فى الوادى اللى
هو كان ابو عمر الشريف

_______________
منقول نصفة من كتاب كابتن مصر

ههههههههههههههههههههههههههههههههههه

انتى لخصتى تاريخ السينما المصرية

واضح انها كلها ماشية على رتم واحد مفيش تغيير

بس الامل فى الجيل الجديد

انا اعتقد انا الحاجات دى كانوا بيتعلموها فى معهد السينما

موضوع بجد جميل اوى

جامد بجد انت جبت المفيد

hhhhhhhhhhhhhhhhhhhhhhhhhhhhhhh no comment

» احدث اغانى الراب المصرية
» mc.amin تحيا الجمهوريا المصرية
» شروط القبول فى الكليات العسكرية المصرية
» هشام طلعت ينفي أمام النيابة المصرية أنه يعرف سوزان تميم
» وكأنه " دراكولا " .. ميدو يسير في ظلام الكرة المصرية !